contoh pidato bahasa jawa secara singkat tentang perpisahan

Assalamu’alaikum Wr.Wb.

Bapak Kepala Sekolah ingkang satuhu kinurmatan
Bapak Ibu Dewan Guru ingkang satuhu kula bekteni
Dumateng Ibu ........ lan Bapak ...... dados guru Bahasa Jawa
Sedaya Rencang-rencang kelas 9 ingkang tansah kula tresnani

Minangka purwaking atur, sumangga kita sesarengan ngucapaken puji syukur katur dumateng ngarsanipun Gusti Ingkang Maha Agung ingkang sampun paring rahmat serta hidayah dumateng kita sedaya saengga ing wekdal punika kita taksih pinaringan rahayu wilujeng ing sambikala dumugi sakmenika kita sedaya saget kempal wonten ing adicara perpisahan sakmenika.

          Kula, wakil saking rencang-rencang kelas 9 ngaturaken matur nuwun ingkang sak ageng- agengipun kagem Bapak kaliyan Ibu guru ingkang sampun nggulawentah  kula lan sak kanca-kanca dhateng pawiyatan menika ingkang dangunipun tigang warsa.

          Mboten keraos kula lan rencang-rencang sebrayat sampun ngelampahi ngangsu kawruh wonten ing pawiyatan mriki. Wonten ing adicara menika, kula kiyambak tuhu rencang-rencang nyuwun agenging pangapunten sangking Bapak kaliyan Ibu guru amargi wonten ing tigang warsa ngangsu kawruh wonten pawiyatan mriki kula lan sak rencang-rencang mbok bilih menawi gadhah kalepatan ingkang dipunsengaja utawi mboten disengaja. Mugi-mugi Bapak kaliyan Ibu guru kersa maringi pangapunten sedaya kalepatan kula lan rencang-rencang kelas 9.

          Satuhunipun kula lan sak kanca awrat sanget badhe nilaraken pawiyatan menika amargi sedaya ingkang wonten dhateng mriki sampun kados sederek lan kluargo. Naming amargi kula lan rencang-rencang kedah ngelanjutaken ngangsu kawruh wonten ing pawiyatan ingkang luwih inggil, kula lan rencang-rencang kedah saget ikhlas nilaraken pawiyatan menika.

Kadosipun sampun cekap sementen anggenipun kula matur. Bilih menawi wonten kalepatan kula nyuwun agenging pangapunten. Saking kawigatosanipun Bapak kaliyan Ibu guru kawula ngaturaken matur sembah nuwun.

          Wassalamu’alaikum Wr.Wb.

sekian..

semoga bermanfaat